Program
|
Op vriędig 26 en zaoterdig 27 november weurtj in de Sporthal Bosseve ’n identiek program aafgewęrktj. Vanaaf 20.00 oore zeeje oppe bühne o.a. Erwin, Beppie Kraft, de Toddezek, W-dreej en daobeej nog ’n groeët aantal Limburgse en Wieërter artieste. Ze brînge Vastelaovundjnummers uut heur eige rippertwaar, wi-jdejje det kintj, mer ouch eige nummers v’rzeen van ’n ânger muzikaal jęske. Ze brînge Vastelaovundjnummers uut heur eige rippertwaar, wi-jdejje det kintj, mer ouch eige nummers v’rzeen van ’n ânger muzikaal jęske. |
 |
 |
Daonaeve waere Limburgse evergreens v’rzeen van ’n ânger muzikaal invölling. Gae huuërtj “Van Eijsde tot de Mokerhei” in ’n klassieke uutveuring. “As de sterre” in rock ’n roll en reggae outfit. Um uch ’n ideej te gaeve: Thei & Marij zînge ‘ne troubadoursmedley met dao-in o.a. Limburg Allein en Loeënde klokke in ’n swing uutveuring en Joost Meijs en Mark Fonteijn zînge “de Man vanne Kleine sjtad” van Ge Reinders en de Wieërter sopraan Marjos Metsemakers zingtj, same met rockster Joss Mennen “Barcelona van Montserat Cabbelero en Freddy Mercury in de dialectuutveuring “Vastelaovundj”. |
 |
Ouch Bohemian Rhapsody van Queen es v’rzeen van ‘ne Wieërter Dialecttekst en Wieërter nummers wi-j “Dich kuns mich ’n baerke vânge” (André Rieu Wals) en ’t Męnke (in latin) zeen v’rzeen van ’n ânger arranzjemęnt.
De instrumentale begeleiding weurtj v’rzörgdj doeër ‘n 50 mân sterk hermeni-jorkest en popbend o.l.v. dirigent Tjeu Snoek, di-j zich beej instrumentaal nummers wi-j “Lord of the dance” , de Limburgs volksleed oeverture en ‘n Spesjiaal uutveuring van ’t Wieërter volksleed “Vae zeen as Rogstaekers geboeëre” ouch nog ’s hieëlemaol kunne gaeve.
Gae huuërtj, pop, schlagers, latin, rock & roll, węlskes, marse, klassiek mer alles stięt in ’t teiken van de Vastelaovundjmeziek.
De prizzentasie es in hang van Tom Doesborg en Wieërtenaar Frans Snels.
