Laureaat
Op zaoterdigmiddig 27 november hieët Alf Poell, uut hang van de Prezidênt van de S.L.V. op ’t Gemeindjehoês de “Orde van de Gulden Humor” ontvânge. Tiedes ’t aovendprogram woeërt Alf doeër Lei Meisen opgenaome in ’t Broederschap van Gulden Humor dragers.
Alf Poell, kandidaat Gulden Humor 2010
Oppe jaorlikse algemein ledevergadering van de Samenwirkende Limburgse Vastelaovesvereiniginge es unaniem besloeëte de Orde van de Gulden Humor dit jaor tow te kinne aan de hieër Alf Poell. In de motivasie beej de vuuërdracht doeër ’t bestuur kwoom dit jaor nao vuuëre det Alf Poell al hieël wat jaore op eige meneer invölling guftj aan en z’n betrokkenheid toeëntj beej oeëze Limburgse Volkskultuur.
Hae woor jaorelânk sportverslaaggaever v’r radio en tillevies en dao-in woor hae de perfecte ambassadeur v’r de riek geschakieërdje Limburgse taal. Zien verslaaglegging van evenemênte kriêg daome-j ’n bekans kulturel dimensie.
Op dieës dezelfdje meneer hieët Alf Poell vol Limburgse minse laote geneete ein van de aodste tradities in oeës provinsie, ’t Oud Limburgs Schuttersfeest (OLS).
Alf Poell hieët 'n belangriêke rol gespuuëldj beej 't toegankelik make van 't LVK v'r 't groeëte publiek. As radiomân hieët hae d'r mede v'r gezörgdj det 't LVK beej "de Umroop" de volle aandacht kriêg. Z’ne instaek daobeej woor altiêd “geine Vastelaovundj zônger eige lidjes van Limburgse boeëm”.
In alles waat e deut, wetj hae dit geveul uut te drage met hieël vol entoezjasme en met bezeundjer vol humor. As echte ambassadeur van Limburg lutj Alf Poell de laevesbli-jheid de boeëvetoeën veure.
