Toês

’t Zitj d’r op. De Gulden Humor 2010 in Wieërt  kan ’t Vastelaovundjgeschiedenisbook in. Alf Poell maaktj vanaaf zaoterdig 27 november definitief deîl uut van ’t Broederschap van Gulden Humor dragers en Wieërt en Limburg hieët helder en duudelik op ’t netvlees wi-j schoeën ‘ne Limburgse Vastelaovundjproms kân zeen.

De komplimênte v’r Tjeu Snoek en z’n komplieëte orkest, de zângers en zângeresse, ’t achtergrôndkoeër en ederein dae zich op waat v’r meneer dan ouch verdeenstelik hieët gemaaktj um de Gulden Humor 2010 tot ’n sukses te make.

Gezeen de oeëverweldigendje reaksies es  “ ’t fieëstje”  geslaagdj te neume. Zöstervereiniginge uut alle windstreke van Limburg spuuële de loftrompet en ouch in Wieërt weurtj d’r vol entoezjasme verteldj oeëver de Gulden Humor/Limburgse Vastelaovundjproms.

Wi-j geschriêve… ’t zitj d’r op.  Mer waat woor ’t schoeën.